السلام عليكم
احب اليوم افيدكم من خبرتي بالحياة من خلال مواقف صارت بيه وحتى لا اكون بخلت على احد بهذا الشي
1) لا تتدخل باي مشكله ما الك بيهة لا نا قه ولا جمل (اي بعير) ليش؟؟؟؟؟؟؟؟؟؟؟؟
اني اكلك ليش لان فد يوم شفت ولد ديتعارك و يه اثنين لازمي شاحطي شحط فاني عود صعدت عندي الغيره واني واحد اخو خيته كلت يله قابل سوبرمان لو سبايدر مان (سبايدر مال بايسكل ) احسن مني همه بس واحد يكدر يطير وما يموت الا اذا الله موته والثاني مثل الزيبك اسرع من الطلقه وجيتت ولزمت واحد منهم مرغلته تمرغل حتى التبليط انحفر هلكد ما سحلت بيه و طلعوا بنات المحله (هاي احله فقره ) و شكرني الولد وراح و بعدني ما رايح جان يطلعلي واحد اعرفه اسمه
علي شوشو هذا وحش مو بشري طوله حوالي 214 سم واني طولي 178 سم ومن محاسن الصدف انه اخو هذا الولد الي مرغلته فكالي نييهونيهوني طبعا اني هيج افتهمتهة لان كمت ما اسمع و الولد ما قصر وما كو غير ططب ططب
اني كمت ما اشوف و بنات المحله يكولن خطيه هو بكدك عوفه و صارت مذله ما بعدها مذله هاي اسوا فقره و وره ساعتين حسيت جدي يكلي يله بابا كوم الله يعوضك ومن ذاك اليوم اذا اشوف اخويه يتعارك ما اجيت ولا الي علاقه
2) لا تغامر بدون ما تكون متاكد من الربح ليش؟؟؟؟؟؟؟؟؟؟
اني اكلك لان فد يوم اشتريت دعابل يمكن 500 دعبله ونزلت العب العب العب ....... جان يجيني واحد صغيروني زقج جان يلزمني زوعهن زوعهن زوعهن زوعهن زوعهن ( يعني ذب دعابلك ) و اخذهن كلهن وراح من ضوجتي ردت الحكه واخذهن كلهن ولو حركه مال جهال بس شسوي من ضيمي وعرفت وره شويه انو هذا الزقج اخو علي شوشو و سمعت جدي من بعيد يكلي يله ابني الله يعوضك
3) لا تضل تلحك البنات اكثر من اللازم ليش ؟؟؟؟؟؟؟؟؟؟
اني اكلك اني اموري عدله ويه النسوان بس هاي الشغله الي راح اكوله صايره بصاحبي صفاء جبوري المعروف بابو ناصر وهذا صفاء حبله وحده وضل يلحكهة كل يوم بالجامعه و حفظ كل دروبهة يعني شوكت تخلص محاضرات و شوكت تروح للسنتر و شوكت تكوم تقره والمشكله جان ياخذني وياه دائما حتى اشجعه و فد يوم قرر يصارحها و رحت وياه ولمن اقترب جان يسمع البنيه تكول الصاحبته هذا الولد كل يوم يلحكني جنه جريدي و وجه طويل جنه نعال وهو لمن سمع هذا الحجي انهار ( يعني اتحطم مو انهار مال مي ) و اني طبعا ما تحملت و طكيتهة بضحكه مدويه وجان ابو ناصر عافني وطلع و بطل من الجامعه وكعد بالبيت يسوي ليف ويبيع وبعدين قدم عل حرس الوطني وهسه هو موجود بسيطرة جسر ديالى وجدي ما جان موجود حتى يكله الله يعوضك
4) لا تتفيك بشي ما تعرف بيه ليش؟؟؟؟؟؟؟؟؟؟
اني اكلك ليش لان مره صاحبي مازن طالب المعروف بابو سويهيه ,طبكت يم بيتهم سياره مال شرطه وعمبه وكالوله بلكي شويه مي اشو هاي السياره كل شويه تحمى كلهم شبيهة اني تره اعرفلهن ذني الحديثات هسه انزلك الحماوه صفر هذوله الشرطه كلوله يله الله ثم ايدك و كعد يبحوش وبعدين كله شغل طوباخ طوبنيو كب المحرك يابا جان يلزمون ابو سويهيه ودك جلاليق ودونكيات و جربو بيه كل انواع الكتل و اخذوا تطاوير للمركز ولعبو بي طنب و لمن رجع زارهم جدي و كله ..... اشكله يعني الله يعوضك
وشباب اكو بعد هوايه شغلات بس ما اكدر اكولهن كلهن اليوم خليها اذا الله خلانه طيبين عل جايات
الأربعاء مارس 03, 2010 6:20 am