ابو التحشيش ويه جورج قرداحي

هذا واحد من ( جماعتنا المحششييييين ) راح لبرنامج من سيربح المليون
طبعا تعرفون انه الاسئلة بالبداية كلش سهلة وعيب واحد يعلّس بيها
صاحبنا مشى باول سؤال بس فضحنا بالثاني
تعالو شوفو شسوّه بدنياته :
جورج قرداحي : السؤال التاني بميتين ريال هو :
عصفور باليد ولا عشرة على ................. ؟؟؟؟؟
الشجرة
البقرة
الصفراء
الحمراء
گله صفوان لجورج قرداحي : اهووووو بدينا بالصعبات
زين ناخذ رأي الجمهور
طبعا جورج انصدم المسكين !!!
فكان جواب الجمهمور 100% الجواب الأول ( الشجرة )
اخوناصفوان گله لجورج : تره مو على طول يصدگ الجمهور ،
فأفضـّل لو نحذف اجابتين اذا متصير زحمة
وتخيلو حالة المگرود جورج !!!!
حذفله إجابتين فبقه الجواب الأول الشجرة والجواب الثاني البقرة.
فگله لجورج : مستفادينا شي لأن بقن الجوابين اللي آني شاكك بيهن
( آني لو من جورج طلقة براسه واخلص البشرية منه )
فگال اخونا : ماكو غير الاتصال بصديق
اتصل بصديقي اثير الچايچي
مثل متعرفون انه جورج يسأل عن وظيفة الصديق
گله جورج : شو بيشتغل صديئك اثير الچايچي ؟
جاوبه : يبيع لبن

الحاصل .. خابروله الصديق و طلعله اثير :
الو .. الو .. لك ليش متجاوبون .. ماعدكم خوات ماعدكم بنات
لا يا متستحون ... والله إلا اشتكي عليكم
جورج : طوّل بالك يزلمة شو بك نحنا من الأم بي سي
برنامج من سيشگ هدومه أأأ ئصدي من سيربح المليون
اثير : هاها العفو .. بالخدمة آني يدلل فاهم ( فاهم اسم صاحبنا .. غير لايگله صلوات )
جورج : معكن تلاتين سانيه لمّا بيبدا الأخ صفوان بالكلام .. تفضل صفوان :
صفوان : ها خويه اثير شلونك شكو ماكو ؟ گلي خو ماكو تفجيرات هاليوم ؟
سلملي على أمي وگلها مالگيت دشداشة كودري .. ميخالف كشمير ؟؟؟
طوط طوط .. خلصت التلاثين ثانية و مثل مشفتو ... كلشي مفتهم صفوان سوده عليّه
فسأله جورج قرداحي : وهلأ شو بدك تعمل ؟
فجاوب : والله يا استاذ جورج ما اگدر اجازف بصراحة
انسحب احسنلي وآخذ الـ 100 ريال مال سؤال الأول
خاف اجاوب ويطلع غلط وهالنوبة تروح الـ 100 همّات
وعلى گولت أبو المثل : عصفور في اليد ولا عشرة على الشجرة
هههههههههههههه
ابد
مو محششششششش