منتديات ليالي العراق

منتديات ليالي العراق

منتديات شبابية منوعة شاملة تعليمية
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 عتاب على المتزوجين الرجال بمنتدى العراق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فخري
مؤسس المنتدى
مؤسس المنتدى
avatar

عدد المساهمات : 841
تاريخ التسجيل : 29/11/2009
العمر : 34
الموقع : العراق

مُساهمةموضوع: عتاب على المتزوجين الرجال بمنتدى العراق   الأربعاء مارس 03, 2010 5:52 am

عتاب على المتزوجين الرجال بمنتدى العراق

السلام عليكم


بالله الزكرتي الاعزب يكعد ساعات طويله بالمنتدى نكول جاي يريد ينسق
او يدز رساله خاصه يعبر عن مشاعره الكلاوات بيها مجال

بس رياجيل مزوجه وكاعدين على النت ساعات طوال مايكول عندي
زوجه الوقت الزايد الي اكظيه على الحاسبه والنت والمنتدى هي اولى
بيه يعني اني لو امريه طبعا لو اني امريه اخبل اطلع بدون حمره امحمر
اصلا اخدود حمر اكثر من مدينه المحمره الايرانيه الي احتلها الجيش العراقي
ايام حرب العراقيه الايرانيه حيث اعتدى الايرانيون على بلد العراق دون حق مع الاسف
ومن هنا اطالب ايران بتعويض الشعب العراقي مائة مليون دولار تعويضات


اني لو امريه ورجلي يكعد على النت ساعات هواي وعايفني احرك بروحي وحدي
والله اجيب الجفجير واكسر الحاسبه وانعل ابو النت لابو الي اخترع النت والله
اسويها لطميه بصوت الاكرف عليه شنو اني مرته بس من يذكر الغده والعشه
وبوقت الفراغ اصير كنتور او قنفه اثاث ابيته لا ما اقبل والله اسويها لطميه بالزناجيل
عليه بصوت احمد الساعدي عليه


شنو اني الي حقوق طبعا لو اني امريه وطبعا اخبل كما ذكرت سابقا اعلاه فوق
رابع سطر على ايدك اليمنه اني الي حقوق يكعد وياي يسولف وياي اسئله ويسئلني
بدل ماكاعد بالمنتدى يخرط سوالف يجي يخرط وياي اني زوجته ام اطفاله من يموت
منو يلطم عليه قابل الادمن لو المشرف العام يلطم عليه اني الطم عليه طبعا لو جنت امريه وزوجته اني
وطبعا اخبل وعيوني وسيعه واشك شك من الجمال كصايبي اطول من طريق عمان بغداد


الافندي كاعد بالمنتدى واني كاعده وحدي احجي وي الحياطين طبعا لو اني امريه
وزوجته وعندي 17 جاهل منه والجديد بالطريق بس جاي افكر اسوي اسقاط
واخلص منه لانه 17 كافي شنو فريق طوبه عندي اني طبع لو اني امريه واكيد
اخبل وخشمي رفيع متناسق مع الحلك وطالع كيكه



ارجوا من كل مزوج وعنده زوجه واطفال ان يقلل من الجلوس على النت والمنتدى
والوقت الفراغ يقظيه وي زوجته يسولف وياها يغازلها يكلها احبج حتى لو كلاوات
عمي حتى لو تكظي الوقن وياها بالراشديات اضربها بس المهم تكون وياها مو وي
المنتدى


اوكي اني اريد مصلحتكم والله بالعكس اليوم الي ما اشوفكم احسن الدنيا
عبالك ظلمه وابو المولده مايشغل المولده لانه ماعنده كاز واحتمال يكتلون
ابو المولده لانه هو عراقي وافتخر والي ماعاجبه ينتحر


وهاي اغنيه الى كل زوجه زوجها يكعد على النت ساعات طويله
تهدي هاي الاغنيه الى زوجها بلكت يحن ويترك الكعده على النت ساعات طويله
وعايفها المسكينه حايره بدمعتها وايدها على خدها







الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://laylyaliraq.yoo7.com
 
عتاب على المتزوجين الرجال بمنتدى العراق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ليالي العراق :: منتديات ليالي العراق التــرفيـهية :: منتدى الحشاشة-
انتقل الى: