ما كلنه لا تحجون كلجن خواتي***بالنت علم مرفوع والحكم ذاتي
احجن حجي المعقول ما نزعل احنه***مو بوري ست انجات يا بعد اهلنه
احنه الشباب هواي نحمل بواري***عن الكلت والكال ما جبنه طاري
انه بشهر مضروب سطعش بوري***شنهو استكان الجاي جيبلي قوري
نحمل بواري هواي وشكد حملنه***ونتحمل الكلفات بس لا تملنه
شنهي انتي بنت الناس مخزن بواري***سطعش بوري بيوم تلعب اتاري
محبوب اليه كبل واليوم اخويه انته***بس حبك اللي مضه صدكني ما خنته
الشاب حيث يقول
من بعد خمس سنين هسه انا خيج***بس كلمه عندي وياج نعلعله ابيج
الشابه
اوي شكلت وشصار لو هيه كوه***تقبل احبك جذب لو احسن الخوه
الشاب
بوري عشر انجات وتكلي خوه***بس العشك احساس ما اظنه كوه
الشاب حيث يقول
ولد وبنات اليوم نضرب بواري***عالبوري مجبورين ماكو اختياري
السبت ديسمبر 26, 2009 8:20 pm